“OHANGLAR SEHRI” — QALBLARGA ZAVQ ULASHGAN KONSERT!

Navoiy shahridagi Prezident maktabida “Cholg‘u” to‘garagi a’zolari ishtirokida “Ohanglar sehri” nomli konsert dasturi tashkil etildi.
Dastur davomida yosh iste’dod egalari o‘z ijrolari orqali milliy va zamonaviy kuylar jozibasini namoyon etib, tinglovchilarga ko‘tarinki kayfiyat ulashdilar.
Mazkur konsert o‘quvchilarning musiqiy iste’dodini yuzaga chiqarish, san’atga bo‘lgan mehrini oshirish hamda ijodiy qobiliyatlarini rivojlantirishga xizmat qildi.
Zero, musiqa — qalblarni birlashtiruvchi sehrli til!