#sayyor_qabul

#sayyor_qabul
#Navoiy_viloyati

🎓 Aholi bilan bevosita muloqot qilish, ularning murojaat va takliflarini joyida o‘rganish maqsadida Ixtisoslashtirilgan ta’lim muassasalari agentligi direktori o‘rinbosari Xasan Shakirov ishtirokida Navoiy shahridagi Prezident maktabida sayyor qabul o‘tkazildi.

✅ Sayyor qabul davomida fuqarolarning ixtisoslashtirilgan ta’lim tizimiga oid murojaatlari, taklif va muammolari tinglandi. Ko‘tarilgan masalalar atroflicha o‘rganilib, ularni vakolat doirasida hal etish hamda tegishli choralarni ko‘rish yuzasidan mas’ullarga vazifalar belgilandi.

✅ Shuningdek, xizmat safari doirasida yangi o‘quv yilidan faoliyat boshlaydigan Navoiy shahridagi Muhandislik maktabi hamda Muhammad al-Xorazmiy nomidagi ixtisoslashtirilgan maktab filialida olib borilayotgan tayyorgarlik ishlari ko‘zdan kechirildi.

✅ Xususan, ta’lim muassasalarining 2026/2027-o‘quv yiliga hamda kuz-qish mavsumiga tayyorgarlik holati, o‘quvchilar uchun yaratilayotgan sharoitlar va ta’lim jarayonini samarali tashkil etish bilan bog‘liq masalalar atroflicha o‘rganildi.